Inicio > Sin categoría > Borbolles d’Asturies en Villaviciosa
Sin categoría

Borbolles d’Asturies en Villaviciosa

El pasáu 4 d’agostu, na Plaza’l Güevu de Villaviciosa, la DOP Sidre d’Asturies entamó la tercer degustación de la Campaña “Borbolles d’Asturies”.

LA SIDRA.- L’eventu tuvo entamáu pola empresa Gustatio, so la direición de David Fernández-Prada y nel   mesmu acutó un espaciu dientro de la plaza, siguiendo un estrictu protocolu de seguranza, tantu de desinfeición ca vegada que yeren utilizaes cualisquier de les cuatro meses dispuestes pa la degustación , como l’usu d’hidroxel a la entrada y un aforu llindáu a 8-10 presones, nun siendo posible aportar al recintu fasta que nun fueren desifectaes les meses  y siempres que nun se superara dichu aforu. Igualmente la distancia interpresonal yera de más de dos metros ente mesa y mesa.

Les sidres naturales esplumoses que pudieron tastiase nésta ocasión fueron: El Gaitero etiqueta negra, Pomarina, Prau Monga, Emilio Martínez, Poma Áurea y Solaya.

L’arribación de públicu foi constante, dao la piqueña capacidá del aforu. Ente los asistentes costatóse la presencia de turistes procedentes de Sevilla, Bilbao, Llión, Madrid y otros puntos d’España, los cualos quedaron bien sosprendíos pola cellebración d’ésti eventu, asina comu pola escelente calidá de les sidres oxetu de degustación, siendo la opinión mayoritario de que les sidres naturales esplumoses que tastiaren pueden igualase a los caves más afamaos.

En resume, una escelente iniciativa per parte de la DOP Sidre d’Asturies que de xuru va tener continuidá en prósimes feches n’otros puntos de la xeografía asturiana.

Raúl Moro.

(Visited 864.692 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies