Inicio > EN > Releases > Books > David Castañón, de ‘Les Fartures’, asoleya llibru
BooksEncamientosGastronomíaSidreturismuTasties

David Castañón, de ‘Les Fartures’, asoleya llibru

A primeros de mayu tuvo llugar nel bar El Cabañón d’Avilés, una de les presentaciones más esperaes en cuantes a espublizaciones gastronómiques se refier: Les Fartures, de David Castañón. En versión n’asturianu y castellán, ye una guía illustrada con semeyes que, en pallabres del so autor, “pretende dar una visión de la cocina asturiana al traviés de los sos restoranes, llagares, chigres o cases de comides”. Al actu acudieren, aparte de públicu en xeneral, medios especializaos, profesionales del seutor, y tamién llagareros.

LA SIDRA.- Y ye que David ye un namoráu del nuesu productu más emblemáticu. Por exemplu, Fran Ordóñez, de Sidra Viuda de Angelón, destacó de la guía: “ye pantástica pa los que vamos a la gueta de ciertos espacios gastronómicos onde comer bien y relaxamos. Illustra perbien la cocina asturiana al traviés de los restoranes escoyíos por elli. Esta triba d’espublizaciones aíden a dar puxu y promocionar la gastronomía y cultura asturiana, sobro too porque ye perútil pa conocer estramos bares, sidreríes y restoranes, y al empar deprender los múltiples requexos que tien Asturies”. Hai de siñalar que demientres la presentación pudo degustase Sidra Roseé Pomar en grifu de Viuda de Angelón, de la citada casa; y  la cerveza, tamién en grifu, de Cotoya Ale Dry Hopped.

Pa los amantes del bon xintar, nun fai falta dicir que’l blog de Les Fartures ye ún de los sitios ueb más conocíos sobro la cocina patria. Castañón percorrió pueblos, ciudaes, aldegues, playes y montañes p’amosamos la gran variedá de productos y ellaboraciones del país. Too ello recuéyese nel llibru, amás d’otros ellementos como receres propies o les “farturrutes” paseos afayaízos pelos espacios naturales d’Asturies pa faer enantes de xintar. Llueu, cómo non, ¡A esfrutar de la mesa con unos culinos bien frescos!. Adientrámosmos nesi mundiu de la man de David.

VER ARTÍCULU COMPLETU

(Visited 686.828 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies