Inicio > Cultura sidrera > XV Concursu Semeyes LA SIDRA
Cultura sidreraEventosFototeca

XV Concursu Semeyes LA SIDRA

Dicen qu’un concursu demuestra’l so maduror cuandu fai diez ediciones, y cuandu yá cumple quince ye un concursu consolidáu, gracies al sofitu del Llagar JR y la collaboración de la Fundación Asturies XXI y l’asociación fotográfica Asemeyando

LA SIDRA.- Ye’l casu del Concursu  Semeyes LA SIDRA, que nesta edición cumple esi númberu.

Un concursu que foi pioneru y sigue siéndolo de la promoción de la sidre, la mazana y la cultura sidrera, esa etenra candidata a Padremuñu Inmaterial de la Humanidá, y que nun hai dulda qu’esti concursu ayuda a sopelexar.

Nel concursu viemos toa triba semeyes: documentales, artístiques, esperimentales, creatives…

Dende una primer edición na que participaron poques presones y la mayoría llocales y llectores d’esta revista, fasta la que participaron cuasique 200 fotógrafos con alrodiu 600 semeyes procedentes de 28 países distintos.

Esti cambéu debióse ensin dulda a que’l concursu adoptó la normativa y padrociniu de la Confederación Española de Fotografía, y roalízase al traviés d’una plataforma online, lo que ye una garantía de rigurosidá nos fallos del xuráu, y de facilidá d’accesu a los usuarios.

Otres de los sos principales carauterístiques ye la gratuidá de la participación, y el respetu a los drechos d’autor de los participantes, respetando toles normes étiques reconocíes, ya inclusive aumentar en defensa de los participantes.

El xuráu siempres ta compuestu por presones de reconocíu valir nel campu la fotografía, la sidre y la cultura asturiana.

Queremos animavos a participar, desendolcar la vuesa capacidá observador y creativo. Una de les principales carauterístiques que definen una bona semeya, ye la conocencia de la tema que tien el fotógrafu, y de xuru que d’eso tenéis enforma.

 

RESUME BASES

Inscripción gratuita

Temática: Sidre y mazana

Inscripción: Les semeyes unviaránse en formatu dixital a https://fotogenius.es/

Carauterístiques téuniques: Les imaxes van haber d’unviase en formatu estruyíu en JPG, altu mínimu de 5000 pixels y másimu de 9000, una resolución de 300 ppp y un pesu másimu de 6 megues.

Premios a los qu’opten les semeyes  son:

  • Imaxe ganadora dotáu con 700 € en metálicu, medalla oru CEF
  • 1er accésit dotáu con 200 € en metálicu, medalla plata CEF
  • 2º accésit dotáu con 100 € en metálicu, medalla bronce CEF
  • Mención especial “Sidra JR” dotáu con 100 euros y dos caxes de sidre JR (a recoyer nel llagar pola persona premiada)

Feches clave

  • Recepción d’obres: del 23 de payares de 2022 fasta’l 1 de marzu de 2023.
  • Espublización del fallu del xuráu: de magar el 12 de marzu de 2023.
  • Entrega premios: de magar el 13 de marzu de 2023

BASES DEL XV CONCURSU SEMEYES LA SIDRA / BASES DEL XV CONCURSO DE FOTOGRAFÍA LA SIDRA / RULES OF THE XV LA SIDRA FOTOGRAPHY CONTEST


(Visited 2.445.562 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies