Entamada pola Peña Milwaukee tendrá llugar el prósimu domingu 16 de xunu
LA SIDRA.-La Peña Milwaukee de Carbayín Altu en collaboración con diferentes llagares y establecimientos del pueblu, entama la quinta edición de la Xornada de la Sidre que tendrá llugar el domingu 16 de xunu ente les doce del dmeudíi y les trés de la tardi.
Pa participar na mesma, el sistema sedrá l’avezáu: vasu comemorativu a 5 € y a degustar la sidre de los llagares de Sidra Coro, Vallina, Acebal, Riestra, Fanjul, Alonso y Muñiz, aparte de los llagares del pueblu, que tamién pondrán la so sidre pa que los asistentes puedan prebar la sidre que fain pa en casa.
Nel tema musical, esti añu actuará’l grupu folk “6 riales”, d’abonda sonadía, que foi premiu Amas 2023 al meyor album de música folk.
Tampoco nun faltará pa xintar, siendo mui d’encamentar los pinchos de carne guisá al estilu Milwaukee.
