Inicio > Cultura sidrera > V Gran Capítulo de la Bona Confradería de los Siceratores
Cultura sidrera

V Gran Capítulo de la Bona Confradería de los Siceratores

L’asociación va nomar confráderes d’honor a Ryan Burk, Elena Zapatero, el cocineru Julius y al Telecable H.oquei Club el prósimu sábadu

LA SIDRA.- El prósimu sábadu 19 d’ochobre va tener llugar nel Muséu de la Sidre de Nava’l V Gran Capítulu de la Bona Confradería de los Siceratores d’Ásturies. Un actu nel que se van nomar los confráderes d’honor d’esta asociación, que recayeron en Ryan Burk, llagareru estadounidense de la empresa Angry Orchar en Nueva York; Elena Zapatero, llagarera de Sidra Zapatero en Nava; Julios, cocineru de la Canal Cocina; y el Telecable H.oquei Club de Xixón, equipu reconocíu tamién pola DOP Sidre d’Asturies na so pasada edición.

Les actividaes van dar entamu a les 17:30 hores nel centru museísticu cola recepción de delles confraderíes asturianes y de fora de les nueses llendes. Espérase que la entrega de reconocencies escomience sobro les 18:30 y remate una hora dempués. Darréu van visitase los llagares de Zapatero y Viuda de Corsino pa ver cómo se maya la mazana, y, tamién, pa esfrutar de la sidre del duernu. Finalmente de magar les 21:00 hores, va ser el momentu de festexar con una espicha na Sidrería Casa Mino del Hotel Villa de Nava.

(Visited 669.399 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies