Inicio > Chigres > Trabanco y Viuda de Angelón tornen a trunfar na Preba de Gascona
ChigresCultura sidreraEncamientosEventosLlagaresSidreturismu

Trabanco y Viuda de Angelón tornen a trunfar na Preba de Gascona

Una xornada multitudinaria que perafita’l calter referencial d’esti eventu sidreru.

LA SIDRA.- Los entamaores falen de récor de participación con más de 7.000 presones y nun-yos falta razón. Ayeri yera abegoso dir d’un stand a otru a visitar los 19 llagares participantes –ún más que l’añu pasáu- y nel que s’echaron cuasique 7.000 botelles de sidre.

 

Nel esperáu concursu, Sidre Trabanco tornó a ser la ganaora del concursu oficial y Viuda de Angelón nel popular (¡por tercer vegada!), la sidre en xeneral, y n’opinión de Tano collada, miembru del xuráu oficial, “verde pel retrasu la collecha, pero de calidá”.

Amás del premiu a les meyores sidres, tamién s’entregó’l premiu a la “Etiqueta más guapina”, del grupu Sidrastur, qu’esti añu ganó La Llarada, y homenaxeose a Tino, de la Sidrería El Pigüeña, acabante de xubilar tres 28 años al frente d’esti míticu chigre de Gascona.

Nun faltó’l xestu solidariu nesta preba, cola entrega d’un cheque col diez per cientu la recaldación de la xornada a l’Asociación Galbán de familes de neños con cáncanu d’Asturies, que recibieron el cheque colos 1.500 euros d’esti añu.

(Visited 638.182 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies