Inicio > Sin categoría > Tastia del Clú de LA SIDRA
Sin categoría

Tastia del Clú de LA SIDRA

Saliendo del andanciu del coronavirus, la tastia mensual féxose con sidre Fonciello, Piloñu, Estrada, Zapatero, Viuda de Corsino, Sidría del llagar de Bernueces, la irlandesa Finnbarra y la checa Cider Talk, premiada nel pasáu SISGA

LA SIDRA.-  Complicada torna a la normalidá tres tantu tiempu de confinamientu, y con tantes ganes de sidre y de compartir esperiencies colos collacios. Complicada, y con dalgunes ausencies poles llimitaciones del Estaú d’allarma nel que mos atopamos, pero equí tamos de nueu cola tastia mensual que rializa los primeros xueves del mes el Clú de LA SIDRA.

Nesta ocasión el protagonismu recayó especialmente na sidre natural, y ye de destacar que se trató de sidre aneyo, corchao nel 2018, que non siempres ye fácil d’atopar anguañu, y que suel carauterizase por acentuar los defeutos -d’habelos-, amenorgar el componente frutal, especialmente en nariz, espeyar daqué de fuste, -de pasar per maera-, y tratase d’una sidre muncho más fino. Nesti casu concretu la sidre protagonista foi la de Fonciello, Piloñu, Estrada, Zapatero y Viuda de Corsino, ensin que nelles se toparen mayores defeutos, nin el procesu d’enranciao que dacuandu se presenta na sidre aneyo. Especialmente bien acoyía foi la d’Estrada, pero dientru d’un nivel xeneral bien altu.

Darréu pasóse a prebar la Sidría del llagar de Berneces, que supunxo un corte gustativu escesivu dempués de la sidre natural, y que dió pasu a la irlandesa Finnbarra, cuyu saborgu acompotáu foi oxetu d’estremaes valoraciones alcordies al gustu de caún, y a la fin Cider Talk del llagar checu Cider Sekt, Medalla d’Oru nel pasáu SISGA, y que collechó les meyores opiniones.
Como curiosidá y esperiencia interesante tamién se prebó una sidre d’espolleta casero, d’un llagar carreñán, que permitió a munchos de los asistentes conocer per primer vegada esta forma de sidre asturiana tradicional, y que destacó enforma pola bona ellaboración, con borbolla fina y saborgu acertáu.

(Visited 817.340 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies