Inicio > Chigres > Sidrería Ramón, n’El Cotu, Xixón
ChigresEncamientos

Sidrería Ramón, n’El Cotu, Xixón

Cuando se va al barriu d’El Cotu de Xixón a tomar sidre y comer, les coses escomiencen pel Ramón. Emilio Rubio ye’l xerente d’esti chigre xunta la conocía Montera Picona de Ramón, anque anguañu’l Ramón diríxelu la so compañera Alejandra Venegas.

Entamaron nel 2014 y fasta la fecha la evolución de la cocina y el tratu afayaízu a la sidre foi una costante n’ellos. La nueva dimposición de los sos comedores dan una sensación de más amplitú, nos que puen entamase xintes de grupu ensin problema dalu, pudiéndose echar un cantarín de presentase la ocasión.

Entremos en materia, cuatro son les tribes de menús qu’ufren, diariu a 10 €, Parrilla 12 €, Reconquista -esti tou con productos asturianos- 20 € y Ruta la Sidre tamién a 20 €. Toos ellos sírvense tamién les fines de selmana con un piqueñu cambiu nel preciu’l menú “normal” que pasa a 14 € y el de parrilla a 15 €.
Les especialidaes aumentaren dende qu’incorporaron la cetária, que mos permite disponer del mariscu vivu, el pexe fresco del Cantábricu, los tan recurríos cachopos, pero nesti casu cola particularidá que pues pidilos colos ingredientes que te presten, que por cierto recuérdamos Alejandra que yá fueren dos vegaes semifinalistes nel concursu del Cachopín.

En cuantes a les carnes, chuletones de Trasacar, picaña d’Angus y vacío, ufren una variedá de carne roxo de primer nivel. Pa finar los arroces con bugre, centollu y paella mariscos. La repostería ta toa ellaborada nes sos propies cocines.

Llegamos yá a lo más interesante, la sidre y compuestes. Pa la hora’l vermú, Roxmut y Xiz, acompangando cualisquier triba de platu, les brut Poma Áurea, E.M, Pomarina y Etiqueta Negra de El Gaitero, a cualiquier hora y momentu, y anguañu les naturales qu’alcuentres son Acebal, El Carrascu D.O.P y Herminio trataes con daqué más que ciñu.

 

(Visited 638.689 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies