Inicio > AS > Noticies > Mazana y sidre n’Asturies
Noticies

Mazana y sidre n’Asturies

El prósimu 19 mayu a les 7 la tardi, nel Xardín Botánicu, D. Emilio Martínez Argúelles dará una charra desplicando la rialidá de la produición de mazana y sidre nel nuesu país.

LA SIDRA.- Asturies ye’l cuartu país européu en produición de sidre, y anque ye muncha la mazana y los mostios estabilizaos que s’importen pa la so ellaboración, la mazana ye anguañu un motor perimportante de la economía rural asturiana.

Na charra d’esta tardi D. Emilio Martínez desplicará la hestoria de la produición de mazana y la sidre n’Asturies, cualos son los métodos d’ellaboración, les tribes de sidre esistentes y otros derivaos de la mazana, permitirámos atalantar un pocu meyor comu’l nuesu país s’asitia comu cabezaleru na produición de sidre n’Europa.

 

Garantizar y meyorar esta produición implica, ente otres coses, conocer comu furrulen les pumaraes esistentes, cualos son los requerimientos y que tipu de remanamientu requieren, asina comu comprender que la correcha polinización de los pumares y la calidá de la produición van de la man.

D. Emio Martínez Argüelles, ye responsable del Llagar de Trabanco en Sariegu, miembru del CRDOP “Sidre d’Asturies” y de la Coperativa Campoastur.

(Visited 2.467.099 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies