La xixonesa Sidra Huerces, que na anterior convocatoria quedare en tercer posición, foi la ganaora d’esti prestixosu concursu, seguía de la sierense Sidra Arbesú y la también xixonesa Sidra Piñera DOPLA SIDRA.- El llagar Sidra Huerces, que yá en 2021 fore declarada Meyor Primer Sidre L’Añu, y qu’en 2022 quedó en tercer llugar nesti prestixosu concursu, foi la trunfaora d’esta edición, algamando asina la naguada Mazana de Plata que concede tradicionalmente l’ayuntamientu maliayu, tres un desempate ‘a muerte súblito’ de Sidra Piñera DOP con Sidra Arbesú, que finalmente quedó en segundu llugar, seguía a poca distancia de la DOP de Sidra Piñera.
Nesta 39 edición del concursu, y per primer vegada na so hestoria, l’Ária de Teunoloxía de los Alimentos del Serida foi la encargada de rializar l’analís físicu-químicu previu de toles muestres que participaron y certificar que cumplíen la llexislación vixente pa la sidre. En total participaren un total de 36 llagares asturianos, con namás una marca de sidre por empresa y presentando a concursu 12 botelles. Nuna primer fase, la sleición reduz a seyes el númberu sidres que pasen a la final, qu’esti añu hebio de cellebrase na Plaza d’Abastos por mor de la lluvia.
