Inicio > AS > Espublizaciones > Revista La Sidra > Revista “La Sidra”
Revista La Sidra

Revista “La Sidra”

Prtada númberu 59La Revista “La Sidra” ye una publicación mensual qu’edita anguaño la editorial Espublizastur pa la Asociación Cultural “Ensame Sidreru“.

El primer númberu de “La Sidra” asoleyóse en setiembre de 2003 convirtíéndose na primer revista temática sobre la sidra  n’Asturies. N’avientu de 2008 algama los 60 númberos asoleyaos.

El primer númberu tuvo una tirada de 2.000 exemplares teniendo anguaño una tirada de3.000 exemplares 3.000 exemplares con un preciu de 2€ y unes 50 páxines.

“La Sidra” ye una publicación con conteníos n’asturianu y en castellán. Recueye noticies de l’actualidá del mundu la sidra, reportaxes, información d’echadores y concursos, sobre la sidra n’otres partes del planeta, entrevistes a chigreros y llagareros, artículos d’opinión y de divulgación, recetes,…en definitiva de tolo que se mueve nel mundu sidreru.

Pesie a que nel so momentu (2003) La Sidra yera la primer ya única revista sobre la nuesa bébora más tarde vendríen otros proyectos, que xunto a La Sidra, conformen too una serie de publicaciones sidreres, como la revista bimensual “Sicera” asoleyada pola Asociación de Llagareros d’Asturies dende finales de 2005 y que foi la segunda revista sobre la bebida asturiana por escelencia. Más tarde, en xunu de 2006, aparecería la revista “Vivir la sidra” qu’edita Editora delNorte y por último’l proyectu empresarial “Sabor de Sidra” (finales de 2006) periodicu mensual de baldre y primer publicación sobre la sidra nesti formatu.

  • Númberos disponibles en pdf:

Revista númberu 60 (avientu de 2008)

(Visited 657.720 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies