Inicio > AS > Tasties > Ramón Berros ganó’l III Concursu de Sidre Casero
Tasties

Ramón Berros ganó’l III Concursu de Sidre Casero

Ángel Marcos y Ricardo García fueron segundu y terceru respeutivamente nel III Concursu de Sidre Casero fecho en Maera col que finó la V Primer Sidre l’Añu.

LA SIDRA.- La V edición de la Primer Sidre l’Añu tuvo comu protagonista na so xornada de preslle a la sidre fecho pa en casa en cascu de maera, sofitada pola Tonelería Hermanos Argüelles, na que  participaron 14 llagareros no profesionales de toa Asturies.

El xuráu tuvo compuestu por cincu presones, dos d’elles llagareros industriales, dos tastiaores y espertos en sidre y un toneleru. La primer vuelta fízose camudando’l númberu d’entrega respeutu al númberu que s’echaba pa que naide nuntoviere duldes sobro la pulcritú del eventu. Nes puntuaciones rializáronse ente los seyes y los diez puntos, quednado cinco sidres emparaes a trenta y cuatru puntos, polos que’l xuráu decidió facer una segunda vuelta con elles.

La puntuación pa esta segunda vuelta féxose ensinq ue’l xuráu supiere’l númberu de sidre que diba prebar y dempués de fecha la puntuación l’echaor comunicaba a los miembros del xuráu’l númberu de sidre a la que correspuendía.

Dempués de tol procesu la sidre ganadora foi la de  Dº Ramón Berros Poladura, de Vallinaoscura, Villaviciosa, en segunda posición D. Ángel Marcos Álvarez de Xixón y el tercer clasificáu  Dº Ricardo García Castañón de Xixón. Los premios, concedíos pola Toneléria Hermanos Argüelles consistieron nunes botelles de sidre fecho en maera, y el primer premiu con una barrica de maera de carbayu.

Ye de solliñar l’espoxigue d’esti certame, la variedá de conceyos participantes y el bon facer na sidre d’estos artesanos sidreros. 

(Visited 2.466.205 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies