Inicio > AS > Tasties > Batalla de sidre n’Uruguai
Tasties

Batalla de sidre n’Uruguai

Ye una tradición de fin d’añu del país llatinoamericanu 

LA SIDRA.- Ca 31 d’avientu los ciudadanos de Montevideo axúntense nel Mercáu del Puertu de la ciudá pa cellebrar una antigua tradición navidiega: la batalla de la sidre. Esti añu y en plenu branu austral, cientos d’uruguayos averáronse de magar el meudíi a dichu puntu pa bater botelles de sidre y llanzase ente ellos los remexos esplumosos d’esta bébora, bien popular nel país demientres les fiestes.

La mayoría les presones van vistíes con bañadores y camisetes esportives pa participar na cellebración. La fiesta ye tou un clásicu na capital del país suramericanu, que se xune a otres tradiciones d’estes feches como resgar en cachos los calandarios y espardelos per toles cais de la zona de la llamada Ciudá Vieya. Dempués de llanzase los remexos de sidre, los participantes tornen a les sos cases pa comer platos típicos uruguayos.

Les altes temperatures del branu austral favorecen a la tradición uruguaya de fin d’añu, ye una forma de lluchar contra l’habitual calor que s’esperimenta nestes feches. Que se faiga con sidre obedez a que dicha bébora ye ún de los productos más consumíos demientres les cellebraciones del Añu Nuevu. Foi introducida por emigrantes asturianos. Ello ye que una de les empreses más simbóliques de país llámase La Gijonesa” qu’empecipió les sos actividaes en 1961.

(Visited 1.717.468 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies