Inicio > Gastronomía > Raciones mariñanes nel Alleranu de Fito
Gastronomía

Raciones mariñanes nel Alleranu de Fito

Aprofitando les xornaes del pulpu gallegu que periódicamente cellebren na xixonesa Sidrería El Alleranu de Fito dámonos un gustu con un mix astur-gallegu compuestu d’amasueles a la mariñana, pulpu y sidre Menéndez.

Nun ye que n’Asturies nun hebia pulpu y nun se prepare igual de bien o meyor que nel país vecín, pero nesti casu la so preparación ye al estilu gallegu, cocinao en diretutu por un pulpeiru nel so calderu, na mesma sidrería.

La primer consecuencia d’esti sistema ye que ye imposible entrar en chigre y nun enllenase del intensu arrecendor del octópodu, lo que lleva inevitablemente a querer prebalo.

Nun defrauda, tienro y saborguioso col so puntu de pimentón entra de maravía cola sidre Menéndez, de la qu’entamamos cola normal pa pasar deseguida a la so DOP, Val d’Ornón.

Pidimos tamién una ración d’amasueles a la mariñana, que tan pa llambese los deos, cola so salsia espesino y especiao qu’allarga na boca el tastu la mar.

 

Sidrería l’Alleranu de Fito – Cai Cienfuegos 32 – Xixón T. 985 16 44


(Visited 2.597.600 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies