La Fundación Asturies XXI y LA SIDRA, en collaboración col Cientru Asturianu de Barcelona, entamarán una Cena Gala pa presentar el SISGA’16 a la qu’asisitirán profesionales del seutor.
LA SIDRA.- Coincidiendo cola presencia de la Fundación Asturies XXI y LA SIDRA con acreítación oficial n’Alimentaria, una de las principales feries alimentaries d’Europa que cunta con notable presencia de llagares asturianos, entamóse una Cena Gala nun conocíu restorán de la Villa Condal, na que participarán profesionales del seutor alimentariu y de distribuición, asina comu llagareros asturianos, y na que se presentará’l prósimu SISGA’16 (30 setiembre y 1 d’ochobre). Comu davezu, na Cena Gala presentaráse ca platu afayaizamente harmonizáu con dos o tres sidres que resultaren gallardonaes nel pasáu SISGA’15.
Esta iniciativa cunta cola collaboración del Cientru Asturianu de Barcelona, y a la mesma ta previsto qu’asistan presonalidaes significatives de la colonia asturiana en Cataluña, asina comu gastrónomos y enólogos catalanes interesaos en conocer la evolución del nuesu productu.
