Inicio > Eventos > Premios SISGA 2020
EventosSISGA

Premios SISGA 2020

El concursu constó de 18 categoríes, Asturies llevó ocho distinciones ‘Prémium’ y el llagar Panizales de Mieres foi’l que más gallardones d’esi tipu llogró de tol certame al consiguir cuatro d’ellos

LA SIDRA.- Güei llevóse a cabu la entrega premios del X Salón Internacional de les Sidres de Gala 2020. En total participaron 72 llagares con 205 sidres de países como Estaos Xuníos, Francia, Luxemburgu, Alemaña, Irlanda, República Checa, Francia, Polonia, Letonia, Italia, Portugal, Suráfrica, Finlandia, ente otros.

La reconocencia ‘Prémium’ foi otorgáu a la sidra de ca categoría que llogró la mayor puntuación de toles del so tipu. Amás, tamién se dieron otros trés tipos de distinciones per categoría: oru, plata y bronce en función de la puntuación algamada.

Ca añu van incorporándose al mercáu nueves variedaes de sidre, de tala forma qu’anguañu, los Premios SISGA reconocen dieciocho categoríes.

D’estes, cuatro llagares asturianos ganaron ocho reconocencies ‘Prémium’.

Panizales, de Mieres, ganó la ‘Meyor sidre de copa dulce’, ‘Meyor compuesta de sidre’, ‘Meyor sidra de xelu’, ‘Meyor sidre de fueu’ y ‘Meyor sidre semiseco de copa’. Les marques d’estes sidres son: Sía, Viesk, Sidra de hielo Panizales y Caldea; respeutivamente.

La empresa Exner de Xixón ganó la ‘Meyor sidra semiseca de copa’ cola marca Exner craft apple cider. El llagar d’El Duque de Xixón ganó la ‘Sidre más orixinal’ cola marca Compuesta de vermú d’El Duque; el llagar Viuda de Angelón de Nava foi’l vencedor de la categoría de ‘Meyor sidre rosao’ con Pomar Rosée, y Casería San Juan del Obispu, de Siero, foi la campeona na categoría Meyor aguardiente de sidre’ con L’Alquitara del Obispo.

Les reconocencies apurriéronse n’un ‘Brunch de gala’ nel Restorán El Duque de Xixón nel que s’harmonizaron delles sidres presentaes al certame con distintes propuestes gastronómiques. Siempres cumpliendo puramente’l protocolu sanitariu pa evitar l’andanciu y cumpliendo tamién les nueves midíes y disposiciones.

El xuráu internacional d’esta edición tuvo conformáu pol presidente del tribunal, Manuel G. Bustu; el profesor del CIFP d’Hostelería y Turismu de Asturies Juan Luis García; l’ellaborador vascu Benitu Peciña, del llagar Kuartango; y los importadores de sidra portugués María José Valente y Jaime Felipe Folles. Pa la tastia siguióse un sistema de degustación a ciegues y la puntuación foi individualizada.

De siguío ponemos tolos ellaboradores nacionales ya internacionales que ganaron la distinción ‘Prémium’ y dempués namás los llagares asturianos que llograron esta reconocencia.

1 Meyor sidre seco de copa:

  • Mr Plūme dzirkstošs del llagar Mr Plūme de Letonia

2 Meyor sidre semiseco de copa:

  • Exner craft apple cider de la empresa Exner d’Asturies, Xixón

3 Meyor sidre dulce de copa:

  • Sía del llagar Panizales de Asturies, Mieres

4 Meyor sidre brut:

  • Extra dry del llegar Melagodo d’Italia

5 Meyor sidre d’espolleta semiseco:

  • Cider Talk by Provoco semi-sweet del llagar Cider Sekt de República Checa

6 Meyor sidre d’espolleta dulce:

  • Cider Talk by Provoco bitter-sweet del llagar Cider Sekt de República Checa

7 Meyor sidre seco con carbónicu esóxenu:

  • Le rafraichissant del llagar Mauret de Francia

8 Meyor sidre semiseco con carbónicu esóxenu

  • ExtraBio del llagar Mauret de Francia

9 Meyor sidre dulce con carbónicu esóxenu

  • Sweet cider Posma de Canaries

10 Meyor sidre con saborgos

  • Elderflower del llagar Mauret de Francia

11 Sidre más orixinal

  • Compuesta de vermú d’El Duque Llagar El Duque, Asturies, Xixón

12 Meyor compuesta de sidre

  • Viesk del llagar Panizales de Asturies, Mieres

13 Meyor sidre de xelu

  • Sidre de hielo Panizales del llagar Panizales de Asturies, Mieres

14 Meyor sidre de fueu

  • Caldia del llagar Panizales Asturies, Mieres

15 Meyor sidre rosao

  • Pomar Rosée del llagar Vilba de Angelón de Asturies, Nava

16 Meyor sidre de pera

  • Cuvée aus weinbirnen del llagar Manufactur Jörg Geiger d’Alemaña

17 Meyor llicor de sidre o mazana

  • Llicor de mazana del llagar Manufactur Jörg Geiger d’Alemaña

18 Meyor auguardiente de sidre

  • L’Alquitara del Obispu del llagar Casería San Juan del Obispu de Asturies, Siero

 

Llagares asturianos que consiguieron reconocencies ‘Prémium’

  • Meyor sidre dulce de copa:
    • Sía del llagar Panizales de Asturies, Mieres
  • Meyor compuesta de sidre
    • Viesk del llagar Panizales de Asturies, Mieres
  • Meyor sidre de xelu
    • Sidra de hielo Panizales del llagar Panizales de Asturies, Mieres
  • Meyor sidre de fueu
    • Caldia del llagar Panizales Asturies, Mieres
  • Meyor sidre semiseco de copa:
    • Exner craft apple cider de la empresa Exner de Asturies, Xixón
  • Sidre más orixinal
    • Compuesta de vermú d’El Duque de Asturies, Xixón
  • Meyor sidre rosao
    • Pomar Rosée del llagar Viuda de Angelón de Asturies, Nava
  • Meyor auguardiente de sidre
    • L’Alquitara del Obispu del llagar Casería San Juan del Obispu de Asturies, Siero

(Visited 2.445.590 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies