Inicio > Chigres > Pote mui asturianu en Sidrería El Bosque
ChigresEncamientos

Pote mui asturianu en Sidrería El Bosque

Pa esfrutar de la xinta n’El Bosque paga la pena dir ensin priesa, pa comer con calma, dando-y tiempu a la comida a facer el so efeutu dopamínicu y poder salir, aparte de fartucu cola sorrisa puesta.

Especialmente si pedimos ún d’esos platos qu’arrecienden a llar, a tiempos ensin priesa y a alcordances cola lluvia na ventana.

Llovía, de fechu, el díi que fuimos a Trubia y pidimos esti pote de berces, con fabes de les bones y una cantidá de compangu comu pa una boda. El tastu yera’l precisu, contundente pero que non repune, intensu, como si de veres fore fechu na cocina carbón de les nueses güeles.

La Sidra Viuda de Palacio, botella va, botella vien, complementu indispensable pa col pote.

Tornaremos pa prebar los platos de mar, que tienen tan bona pinta comu los de pota.

Vémonos en El Bosque.

SIDRERÍA EL BOSQUE. Llugar El Bosque 14, Trubia. Uviéu T. 984 28 24 64


(Visited 2.445.827 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies