Inicio > DOP Sidre d'Asturies > Ñaz la tienda online de la DOP Sidre d’Asturies
DOP Sidre d'AsturiesLlagares

Ñaz la tienda online de la DOP Sidre d’Asturies

Na canal de vienta dixital van poder ufiertase productos de los ellaboradores acoyíos a esta marca de calidá

LA SIDRA.- El Conseyu Regulador DOP Sidra de Asturies presentó la so primer canal de vienta dixital: ‘Tienda Online: Sidre d’Asturies DOP’. “Esti proyectu naz col propósitu d’aidar a tolos llagares de la DOP nel procesu de dixitalización y facilita-yos una canal de vienta alternativu al tradicional, motiváu pola baxada de l’actividá hostelera” siñaló la marca de calidá.

Na tienda online van poder tar presentes tolos ellaboradores de sidra DOP qu’asina lo decidan pa comercializar cualisquier productu certificáu col sellu de la Denominación d’Orixe Protexida. A díi de güei, yá hai quince llagares xuntaos al proyeutu, de los cualos cinco d’ellos yá tienwn operativa la so tienda.

Ca llagar va disponer d’una tienda independiente na que va vender los sos productos certificaos. Otramiente, va poder afitar los precios de los sos productos, el sistema y les tarifes de les unviaes, y los métodos de pagu, en que la so configuración y validación poles entidaes va emprestáse-yos aida.

“Trátase d’una plataforma bien cenciella d’usar, con independencia del dispositivu que s’utilice”, apuntó Pablo Llanos, direutor de proyeutos de Bittia, empresa encargada del desendolcu de la plataforma. Enagora, solo ta habilitáu la compra en Península y Baleares.

 

(Visited 1.162.988 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies