Inicio > Llagares > Nuevos vocales nel Conseyu Regulaor DOP Sidre d’Asturies
Llagares

Nuevos vocales nel Conseyu Regulaor DOP Sidre d’Asturies

Tres les elleiciones del pasáu 15 de mayu, el CRDOP Sidre d’Asturies proclama nuevos vocales ellectos

LA SIDRA.- El pasáu sábadu 15 de mayu tuvieron llugar les elleiciones del Conseyu Regulador de la DOP Sidra d’Asturies coles que’l Plenu del Conseyu va anovase dafechu. De los dos seutores nos que s’estrema’l censu elleutoral, l’únicu qu’allegaba a les urnes yera’l seutor de el productores o collecheros, nel que se presentaben dos candidatures. Nel seutor ellaborador presentábase una única candidatura polo que nun yera necesaria votación.

La votación del seutor productor tuvo una bona participación del 43%. Les urnes refundiaron les siguientes resultancies: 116 votos pa la candidatura lliderada por D. Guillermo Guisasola, 37 votos pa la candidatura liderada por D. Daniel Exner y un votu nulu.

La Xunta Elleutoral proclamó los vocales electos en recibiendo l’acta d’escrutiniu de la Mesa Elleutoral. Cola resultancia de les elleiciones del seutor productor y la única candidatura presentada del seutor ellaborador, va constituyise un Plenu del Conseyu que supon una renovación de les presones que la componen y va tar compuestu por:

Seutor ELLABORADOR:

Titulares Sidra Fran, S.L.
Llagar Castañón, S.L.
Sidra Cortina Coro, S.L.
Sidra Frutos, S.L.
Sidra M. Zapatero, C.B.
Sidra Quelo, S.L.
Suplentes Sidra Menéndez, S.L.
Llagar La Morena, S.L.
Martínez Sopeña Hermanos, S.L.

 

Sector PRODUCTOR:

CANDIDATURA Nº 2
Titulares Guisasola Distribuciones T. y S., S.L.
Auxiliar Medioambiental, S.L.
María Belén García Valdés
Eduardo Cortés Montes
Productora Agroforestal de Asturias, S.L.
María Jesús Vallina Fernández
Suplentes Llamedo, C.B.
Ignacio Gómez Dosil
Salencias, S.L.

Una vegada que trescurra’l plazu presentación de recursos, la Xunta Elleutoral procederá a la proclamación definitiva de los vocales y va convocase una sesión plenaria na que se va designar la presidencia y vicepresidencia del Conseyu. Con estes elleiciones remata un procesu de cambiu na naturaleza xurídica del Conseyu Regulador DOP Sidre d’Asturas, que pasa a ser una corporación de drechu públicu na que tán representaos de manera equillibrao tolos operadores que participen na so produición.

El censu ellectoral ta costituyíu por 335 operadores del censu productor y 34 nel censu ellaborador.

VER ENTREVISTA A LES CANDIDATURES

(Visited 1.085.578 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies