Inicio > Llagares > Valverán 20 Manzanas, meyor sidre de xelu del Concursu de la Sidre de Nava
LlagaresSidreturismu

Valverán 20 Manzanas, meyor sidre de xelu del Concursu de la Sidre de Nava

Los premiaos n’otres categoríes fueron Españar, Riestra, Norniella, Roxmut, Camín, Pomar Rosé, Gaiteru y Salvador del Obispo

LA SIDRA.- El concursu de meyores sidres y derivaos de mazana ellaboraos n’Asturies escoyó la sidre de xelu Valverán 20 Mazanes, qu’ellabora Masaveu Bodegues nel so llagar de Sariegu, como Meyor Sidre de Xelu. El pueblu de Nava acueye esta fin de selmana’l Festival de la Sidre, declaráu Fiesta d’Interés Turísticu Nacional, que cellebra esti añu la so cuadraxésima segunda edición y qu’empecipió a cellebrase nel añu 1969 pa homenaxar una bébora tan enraigonada nel país, amás de poner en valor la ellaboración y la calidá d’estos productos per parte de les empreses ellaboradores.

Ayeri tuvo llugar el fallu del xuráu d’esti concursu nel que se presentaron más de 30 sidres y otros derivaos de la mazana. Tamién resultaron premiaos Españar como Meyor Sidra Peñerada; Riestra en Meyor Sidre Esóxeno; Norniella llevóse la Meyor Sidre Endóxena; Roxmut, Meyor Aperitivu; Camín llogró premiu al Meyor Vinagre; Pomar Rosé de Viuda de Angelón foi gallardonada como Meyor sidre Rosao; El Gaitero llogró’l premiu a Meyor Sidre formatu ⅓ y, como yá ye avezao, Salvador del Obispo fízose col podiu na categoría de Meyor Auguardiente.

Valverán 20 Mazanes ye un innovador productu que foi premiáu, nos postreros años, con numberosos gallardones como la Medalla d’Oru de la Guía Gilbert & Gaillard 2018, el primer premiu na categoría de sidres de xelu nel Salón Internacional de Sidres de Gala 2017, ente otros concursos de gran prestixu nacional ya internacional. Amás, trátase de la segunda ocasión na que la sidre de xelu Valverán ye gallardonada nesti certame, yá que na trixésima novena edición destacóse y reconocióse esta marca siendo la ganadora de la categoría del festival.

    

(Visited 600.555 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies