Inicio > Internacional > Nordic and Baltic Cider Awards en Riga
InternacionalSin categoría

Nordic and Baltic Cider Awards en Riga

Una delegación internacional de la Fundación Asturies XXI ta na capital letona pa conocer les tendencies sidreres nel norte d’Europa y promocionar el prósimu Salón Internacional de les Sidres de Gala (SISGA’23).

LA SIDRA.- La capital de Letonia va ser, dende’l 6 y hasta’l 9 de setiembre, sede de los Nordic and Baltic Cider Awards (NICA). Esti eventu, que tuvo l’añu pasáu en Noruega la so primer edición, tien por oxetu promocionar les estremaes tradiciones de sidre na rexón escandinava y báltica.

Por mor del crecimientu del mercáu y de la calidá de les sos sidres, una delegación internacional de la Fundación Asturies XXI va tar estos díes ellí, aprofitando tamién pa promocionar el Salón Internacional de les Sidres de Gala (SISGA’23). D’esta miente, van poder conocer el consumu de sidre en Letonia, la problemática específico d’ellaborar sidre a partir de los tipos de mazana de mesa tradicionales, téuniques pal meyor aprofitamientu de les pomaraes y aceptación de les sos propuestes ente’l públicu, que va poder tastiar fasta 200 sidres estremaes.

Amás, nesti marcu de conocimientu y promoción del gran eventu de sidres non naturales asturianu, participen vieyos conocíos del SISGA. Tamos arguyosos d’anunciar que munchos d’ellos van acudir esti añu pa dexar naguando a tolos asistentes. Ente ellos ta Mr. Plume, llagar ganaor en delles ediciones del SISGA, Cider World (Alemaña) y de l’anterior edición del Nordic International Cider Awards.

Muncha suerte a los participantes y ¡salú! Priekā!


(Visited 2.489.853 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies