Inicio > Cultura sidrera > Criáu un depósitu museísticu de la sidre nel Muséu del Pueblu d’Asturies
Cultura sidreraDellosImaxe

Criáu un depósitu museísticu de la sidre nel Muséu del Pueblu d’Asturies

cartel de sidra champagne de la marca “Pelayo”, de Hijos de Antonio Arias, Corias de Pravia, realizado en la Litografía Nicolás Miralles, de Barcelona, hacia 1905

La Fundación Asturies XXI robló esta mañana un alcuerdu col Muséu del Pueblu d’Asturies (MPA) pol qu’ésta abre un depósitu museísticu de la sidre que se nagura con un cartelu d’entamos del sieglu XX

LA SIDRA.- El director del MPA, Xuacu López, robló col presidente de la Fundación Asturies XXI, Marcos Abel Fernández, un documentu pol que se constitúi un fondu museísticu de dicha fundación nel MPA, de conteníu principalmente rellacionáu cola sidre, que se naguró con un cartelu de sidre champagne de la marca “Pelayo”, de ‘Hijos deAntonio Arias, Corias de Pravia’, rializáu na Litografía Nicolás Miralles, de Barcelona, escontra 1905 y va dir incremetándose periódicamente, cuntando pa ello col asesoramientu del propiu muséu.

Na so intervención, el director del MPA destacó la importancia d’esti depósitu museísticu, estimó la iniciativa de la Fundación Asturies XXI, poniéndola comu exemplu a siguir por otres fundaciones asturianes cara al caltenimientu y recuperanza del padremuñu hestóricu/artísticu asturianu y destacó’l valor de la primer obra que costitúi dichu depósitu, tantu no que fai a el so valor artístico y padrimonial, como económicu.

Pela so parte, Marcos Abel Fernández, presidente de la Fundación Asturies XXI, allabó l’importante ya imprescindible trabayu que vien realizando’l MPA cara al caltenimientu y dignificación del padremuñu asturianu, y estimó la so collaboración pa la criación del mentáu fondu museísticu, reclamando un mayor protagonismu de les instituciones asturianes na necesaria recuperanza y caltenimientu del padremuñu asturianu, llamentando que, como nesti casu, dependa en bona midía de les iniciatives privaes, que consideró imprescindibles mentes nun se solucione esta situación, faciendo un llamamientu a la collaboración de toes elles con istituciones comu’l MPA, “un auténticu exemplu y garantía na recuperanza, caltenimientu y puesta en valor del padremuñu material asturianu.

 

(Visited 1.162.982 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies