Inicio > AS > Noticies > Muséu de la Sidre de Nava, una cris infinita
Noticies

Muséu de la Sidre de Nava, una cris infinita

Tres la dimisión del presidente de la Fundación que la xestiona, la cris del Muséu de la Sidre de Nava tórnase ca vuelta más reinal.

LA SIDRA.- La dimisión d’Emilio Ballesteros comu presidente de la Fundación Muséu de la Sidre de Nava, denunciando la falta de criterios nel Muséu (“etnográficu o Disneysidra”) la escesiva politización pol PSOE, y la falta de cumplimientu del “Principado” punxo otra vegada n’evidencia la situación d’un Muséu, pernecesariu p’Asturies, pero que s’atopa en cris permanente práuticamente dende’l so aniciu.

 

Tres el acabante nomamientu del alcalde de Nava; Juan Cañal, (PSOE) comu nueu presidente de tala Fundación too paez indicar que les coses pintarán meyor nun futuru prósimu, a lo menos na so rellación col “Principado”. De fechu, la primer propuesta del nueu presidente ye la integración en Recrea, la Sociedá Pública de Xestión y Promoción Turístico y Cultural del “Principado”, lo que paez tar perlloñe de los fines fundacionales de dichu Muséu.

Seya comu fuere y comu yá denunció LA SIDRA “lo que ta ocurriendo col Muséu de la Sidre de Nava ye pergrave, amuesa d’incapacidaes y de falta de sofitu istitucional a un proyeutu nel que debiere esistir un consensu dafechu”

 

(Visited 799.989 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies