Inicio > Chigres > Mesón Viana, un clásicu avilesín con Sidra JR
ChigresEncamientosGastronomía

Mesón Viana, un clásicu avilesín con Sidra JR

Esti negociu, allugáu nel centru d’Avilés y fundáu en 1986 por Benjamín Marqués y Toñi Maestou, padres de Elisa, actual propietaria dende 2022, destaca pola so cocina casera y tradicional, bien regada pola sidre del llagar xixonés JR

LA SIDRA.– Esti llocal hosteleru, allugáu en plenu centru d’Avilés, concretamente na plaza de Carbayedo, foi fundáu en 1986 por Benjamín Marqués y Toñi Maestro, padres de Elisa, actual propietaria dende ochobre de 2022, qu’escomenzó nel negociu familiar con 17 años. Ente los platos que configuren la so cocina casero y tradicional, con una amplia variedá de raciones, destaca’l cachopu de la mama, rellenu de quesu, xamón serranu, xampiñones, espárragos y pimientos colloraos, y zarráu con paliyos, que fai les delicies de los comensales. 

El negociu cunta con una espectacular terraza, un comedor y una zona de barra onde pue tastiase echada la sidra JR, tanto la natural como la so DOP, Sed de Pkdo. La rellación col llagar xixonés empecipió a entamos d’esti añu y l’acoyida ente los veceros ta siendo bien bona, yá que “al ser más suave, gusta enforma y como me diz dalgún: «ta pa da-y»”. Una razón más pa, si tas n’Avilés, nun duldar en dir visitar y esfrutar de la gastronomía asturiana nel Mesón Viana.

MESÓN VIANA. Plaza Carbayedo, 4. Avilés. T. 985 545 417

 

Pa recibir el PDF de la revista LA SIDRA, fai falta tar dáu/da d’alta nel whatsapp de LA SIDRA ¡Gratis!

 

(Visited 2.496.961 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies