Inicio > AS > Eventos > Menéndez convita a los sos veceros a una gran espicha
Eventos

Menéndez convita a los sos veceros a una gran espicha

Espicha MenendezLa multitudinaria cellebración tuvo llugar nes istalaciones del llagar el llunes 13 de xunu a les ocho la tardi.

LA SIDRA.- Más de 400 presones allegaron ayeri a la gran espicha cellebrada nel Llagar Menéndez. Yá son seyes años que’l citáu lleva entamando esti eventu coles mires de que los sos veceros conozan les sos instalaciones y festexar xuntu con ellos l’ésitu del so productu. “Queremos pasar un prestosu día con ellos, una y bones munchos vienen de llugares de toa Asturies. Tenemos la fortuna de cuntar con veceros que son, sobromanera, amigos. Y eso ye fundamental” manifestó Gerardo Menéndez. Y sí que lo pasaron en grande.

Los asistentes pudieron conocer de primer man l’equipu que tien el llagar allugáu en Fano, Xixón. La cita escomenzó a les ocho la tardi, entamando con quesu Cabrales y embutíu. Un gran númberu de bandexes sirviéronse nes cinco llínies d’enormes meses  dimpuestes nel llagar. Arrodiaos de toneles de sidra Menéndez y la so DOP Val D’Ornón, los invitaos tamién esfrutaron de la nuesa bébora patrio. Un pocu más p’alantre na velada, sirvióse un esquisitu corderu a la estaca. Más de 22 corderos rustiéronse, cortaron y tresnaron nes mesmes instalaciones. Y hai que dicir que naide nun quedó con fame, hebio abondo pa toos. Pa rematar unos deliciosos postres y música en direutu. Ensin dulda, Menéndez, sabe consentir a los suyos.

(Visited 2.466.399 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies