Del 11 al 15 d’ochobre cellebraráse’l XXXIV Festival de la Mazana de Villaviciosa.
LA SIDRA.- Dende 1960, y ca medios años –coincidiendo cola ‘collechona’, Villaviciosa vien realizando esti festival agroalimentariu que ye’l más antiguu del país, siguíu pol festival de la Sidre de Nava, yá en 1969.
Nesta edición el Festival cunta con un intensu programa d’animación, actuaciones musicales y múltiples actividaes para tolos públicos, ente les que, de xacíu, atópase’l Concursu de pumaraes d’Asturies y el Concursu – Esposición de mazana de mesa y mazana de sidra, que s’anició col mesmu festival. Tampoco nun va faltar el yá tradicional ‘Mercáu de Seronda’.
Como tolos años, l’actu central va ser la Bendición y ufrienda de la primer sidre’l duernu a la Virxe del Portal y la interpretación y bailles de la Danza del Portal, qu’esti añu fadráse na Plaza’l Güevu.
Esti añu nel Festival rializaráse una reconocencia póstuma a dos grandes llagareros maliayos: Consuelo Bustu, muyer pionera nel seutor sidreru y que tuvo al mandu de Sidra Mayador, y a Manuel Riera, llagareru de Sidra Escanciador que finó l’añu pasáu a la edá de 100 años.
