Inicio > Cultura sidrera > La sidre nun ye botellón
Cultura sidrera

La sidre nun ye botellón

Estremaes fiestes de prau tan optiando por un modelu d’arruelu n’onde se prefieren bébores como la sidre énte les llamaes “blanques”

LA SIDRA.- Tamos yá somorguianos nes fiestes de prau asturianes. Y si bien la sidre siempres foi un ellementu fundamental nesta triba manifestaciones culturales, hai de reconocer que nos postreros años la mocedá decantárese más por consumir otra triba de bébores con alta gradación alcólica.

Por embargu, esti añu hebio un cambiu. Fiestes como la de Castiello y, la más sonada, la del Carmín en La Pola, decidieron prohibir el botellón. Güeyu, non les bébores alcóliques, lo que nun se quier ye que los asistentes lleguen con varies bolses de plástico enllenes de vodka, xinebra o ron; refrescos con altos índices de zucre, que se meza too… y a “ponese ciegos”. “Piérdes l’espíritu de la festividá” glamien los estamaores.

A les voces que siñalen que lo que se gueta ye recaldar más perres nes barres; y la so consiguiente rempuesta de: “namás asina puen sacase perres pa la folixa del siguiente añu”: amiéstense los encamientos de la sanidá pública siñalando que ca vegada hai más intosicaciones etíliques en presones más moces.

La sidre ye una bébora cultura, que siempres tevo presente nes cellebraciones asturianes. Especialistes, mélicos y miembros de l’alministración asturiana destaquen la so baxa gradación, ya inclusu, los sos beneficios pa la salu si se bebe a mou. Tamién ye una bébora asequible, yeso notóse nel momentu en que -al prohibir les “bébores blanques” a les fiestes- la mocedá decántase pola bébora propio d’estes tierres. Los llagareros lleven años diciendo que la mocedá ta optando por otra triba de bébores. Quiciás la prohibición del botellón aída a revertir daqué esa situación. Pero claro, hai que desixir tamién a los ellaboraores que la sidre que se venda… por favor, seya de calidá.

(Visited 683.162 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies