Inicio > Internacional > La Sidre del Perche aspira a la Denominación d’Orixe Protexía
InternacionalLlagaresTasties

La Sidre del Perche aspira a la Denominación d’Orixe Protexía

La consulta pública nel marcu del procedimientu d’alxudicación de la DOP a la sidre’l Perche escomenzó’l llunes pasáu. Afeuta a 106 conceyos.

LA SIDRA.- El Presidente del Sindicatu sidreru del Perche, Maurice Levier, interesóse por esta denominación hai 20 años. Hebio estremaos estudios pa ellaborar el pliegu de condiciones de la DOP. Los estudios de viabilidá amosaron que los productores tienen un braeru productu llocal. Ello ye, un afayamientu perfechu ente’l calter xeolóxicu de los suelos y les races de pumara pa, al final, algamar una tipicidá única de la sidre’l Perche. En 2003 l’asociación de productores convirtióse en sindicatu, necesario pa conseguir aídes pa sofitar el procedimientu.

Tamién los productores de sidre comprometíos nesti procedimientu pasaron estos postreros venti años trabayando les sos sidres, aidaos por enólogos, pa resaltar la tipicidá de la sidre’l Perche. El trabayu nes pumaraes, nel llagar y el de la cava foron repasaos y meyoraos: “deprendiemos a tastiar la sidre, a identificar los defeutos y el so aniciu. Los porductores adoptaron un procesu cualitativu ensin precedentes pa marcar esta tipicidá. Meyoremos muncho”.

Cuando se reprochó a la sidre’l Perche la so falta de notoriedá, los llagareros fueron a los Estaos Xuníos coles sos botelles baxo’l brazu, y agora viéndese sidre’l Perche nos bares de moda de Brooklin.

A la fin, los llagareros del Perche trabayaron muncho colos sos colegues del Cotentin y del Pays de Caux que tamién s’interesaren pela DOP. Los del Cotentin algamaron la so Denominación en 2017, los del Perche deberíen algamala esti añu y los del Pays de Caux esperen algamala l’añu que vien.

 

(Visited 683.159 times)

One thought on “La Sidre del Perche aspira a la Denominación d’Orixe Protexía

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies