Inicio > AS > Eventos > LA SIDRA en Rotterdam
Eventos

LA SIDRA en Rotterdam

Una dellegación de LA SIDRA representará a Asturies nel Festival Internacional de la Sidre, en Rotterdam, n’Holanda.

LA SIDRA.- La sidre’l país tará presente nel II Cider Festival, que se cellebra en Rotterdam na nuechi de güei, entamando con una Cena Gala y na xornada de mañana que sedrá abierta al públicu y demientres la cuala los asistentes podrán prebar de les sidres de los estremaos países presentes.

La Fundación Asturies XXI y LA SIDRA representarán Asturies, llevando non solo la nuesa bébora patria, sinon tamién espardiendo lo que ye la cultura asturiana de la sidre y les principales convocatories que rializamos, la Primer Sidre l’Añu y perespecialmente el Salón Internacional de les Sidres de Gala, que se desendolcará esti añu’l 30 setiembre y l’ún d’ochobre.

 

Con too ello, algámase una ca vuelta mayor presencia y reconocencia de la sidre asturiano nos eventos internacionales, consiguiendo asitirar a Asturies nel mapa sidreru daqué que fasta hai pocu yera daqué incamentable, por mor de la desidia y el desenfotu del “Principado” qu’enxamás nun fexo un llabor de presencia internacional, nin del país nin de la bébora, de tala miente que yera la sidre vasco la principal, sinon la única referencia que se tenía internacionalmente fasta que la Fundación Asturies XXI y LA SIDRA entamaren con esti llabor internacional.

(Visited 2.466.089 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies