Mañana vienres cellebraráse la tastia definitiva pa escoyer les tres sidres que representarán istitucionalmente al CRDOP “Sidre d’Asturies”,
LA SIDRA.- La sala de tasties del Serida sedrá el llugar onde se cellebre la XII Tastia de Sidre d’Asturies DO de la que saldrán escoyíes les sidres istitucionales que representarán al CRDOP nes sos actividaes de promoción, espardimientu y eventos demientres el prósimu añu, teniendo qu’escoyer ente trece palos de sidre, tres de sidre calistrao y cuatro esplumoses de carbónicu endóxenu.
Los espertos tastiaores valorarán estes sidres y les sos carauterístiques pa pasar a puntuales. Tres les evaluaciones determinaránse les tres ganaores, que daránse a conocer na prósima presentación de la collecha y salón 2016 de la Sidre d’Asturies DOP que tendrá llugar el 28 de xunu na Gala d’entrega premios qu’esti añu cellebraráse en Mieres.
La Denominación d’Orixe Protexía “Sidre d’Asturies” cunta con 23 llagares, 274 collecheros y 563 hectáries rexistraes y auditaes, con unes pumaraes coles 22 races autorizaes nel Reglamentu de la Denominación d’Orixe Protexía.
