Inicio > AS > Noticies > Puxanza de la Sidre d’Escoyeta
Noticies

Puxanza de la Sidre d’Escoyeta

El sellu conformáu por Foncueva, Muñiz, Peñón y Trabanco aumenta les sos vientes un 10%

LA SIDRA.-  La sidre de Mazana Escoyía, sellu de calidá del que formen parte los llagares  Trabanco, Peñón, Foncueva y Muñiz; estrena la collecha 2015 superando toles mires. Dende la so presentación oficial, cellebrada en Xixón el 10 de mayu, la Sidre d’Escoyeta rexistró una medría nes vientes d’un 10% respeutu al mesmu periodu del añu pasáu.

Esti xorrecimientu nes vientes débese principalmente a dos factores, despliquen dende’l citáu organismu. El primeru ye la bona acoyía que ta teniendo nel mercáu la sidre sobro la madre”, una iniciativa desendolcada pa recuperar la tradición d’estrenar la collecha con una sidre nuevo, entá ensin trasegar y que reposa sobro la madre.

 

El segundu factor, sigún espliquen los llagares de Mazana Escoyía, ye l’emburrie de la campaña “Sidre escontra’l cáncanu”, entamada en collaboración cola Fundación Sandra Ibarra de Solidaridá frente al Cáncanu. Gracies a esta campaña, ca botella de Sidre d’Escoyeta ta contribuyendo a financiar proyeutos d’investigación. “Tamos bien satisfechos cola acoyía de la nueva collecha. Ta siendo un bien bon añu, y preba d’ello son los datos de vientes. Amás, el fechu de que xorreciéremos un 10% de mayu a xunu tien un significáu bien especial, una y bones esti xorrecimientu va direutamente venceyáu al aumentu de fondos pa la investigación sobro’l cáncanu”, sopelexó José Manuel Riestra, presidente de sidre de Mazana Escoyía.

(Visited 2.660.612 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies