Inicio > Eventos > La cultura xaponesa de la sidre espárdese
EventosInternacionalLlagaresSidreturismuSISGATasties

La cultura xaponesa de la sidre espárdese

Dientru l’itinerariu de los representantes de la Fundación Asturies XXI y la cultura asturiana de la sidre en Xapón, la cabera parada foi pa visitar los llagares de la prefectura de Gunma.

LA SIDRA.- Tres el ciclu conferencies en delles ciudaes xaponeses y la participación na convención sidrera xaponesa Tokyo Cider Collection, los embaxaores ellí destinaos dedicaron un tiempu especial de cara a los negocios pa la importación/esportación de sidre, intercambiu de téuniques de produción y analís de comerciu , dau’l xorreciente puxu del mercáu de la sidre xaponesa. Los productores, mui espardíos pela xeografía xaponesa, empleguen principalmente mazanes de mesa y la tendencia anguañu ye a la produción monovarietal, de cercanía, orgánico, filtrao, pasteurizao, natural y empobinada al mercáu gourmet / delicatessen.

Dau que Xapón carez de tradición sidrera, hai tres modes principales a la hora de facer sidre: la vía francesa d’inspiración normanda con tendencia a lo dulce, la vía inglesa con usu del keeving y formatu botellín y con lúpulu y la vía asturiana con especial enfotu no natural y de gas nun amestáu, como la nuesa sidre natural.

El fechu de nun tener hestoria sidrera nun ye impedimentu pa estos emprendeores productores, que tiren de la gran tradición de produción de fruta d’alta calidá y altu preciu pa dar a los sos productos un sellu de calidá.

Un claru exemplu de los peoductores xaponeses de xoven produción pero d’altísima calidá y variedá de productos ye la Fukiware cidrerie, asitiada na verde y montañosa prefectura de Gunma, famosa poles sos mazanes, los tengu, los baños termales tradicionales o “onsen”…y agora famosa pola so sidre.

Esti llagar, propiedá de Mr. Tatsuro Fuji entamó va pocu y cunta ya con una bona bas d’almiraores, una intensiva rede de distribución y darréu podrá presumir de tener importaores n’Europa.

Anguañu cunta con variedaes de sidre brut, esplumosa, dulce, al estilu asturianu y sidre de xelu.

Esti llagareru, propietariu tamién de la sidrería tokiota Eclypse First Sidrería, trabaya man a man con productores de mazana llocales comu Mr.Keiichiro Matsui de la compañía manzanera Matsui Ringo-en, qu’entamó tamién a facer la so sidre Meigetsu Cidre

Estes sidres y munches más del país del sol naciente podrán ser esfrutaes pol públicu asturianu gracies a la participación d’una dellegación xaponesa na prósima edición esti setiembre del Salón Internacional de les Sidres de Gala (IHGC/SISGA), qu’axuntará a productores de sidre de varios países con varios cientos de sidres presentaes a concursu.

Esperámosvos  ellí.

 

Pa recibir el PDF de la revista LA SIDRA y preciso tar dau/da d’alta nel whatsapp de LA SIDRA


(Visited 2.498.352 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies