Inicio > Cultura sidrera > La Cultura Sidrera Asturiana llega a Fitur
Cultura sidrera

La Cultura Sidrera Asturiana llega a Fitur

Ye una de les presentaciones previstes na Feria Internacional del Turismu qu’escomenzó güei.

LA SIDRA.- L’entamu de la campaña de la candidatura de la Cultura Sidrera Asturiana a Padremuñu Inmaterial de la UNESCO escomienza en Fitur. Dempués de la so presentación a los medios la selmana pasada y del aplazamientu de “La Espichona” pa nomar a los embaxaores de la candidatura; la siguiente cita yera Fitur. Y la Feria Internacional del Turismu yá escomenzó.

El programa d’actividaes inclúi más de 40 presentaciones del gobiernu asturianu, ayuntamientos y empreses turístiques. Demientres les tres primeres xornaes entamaránse varios actos, ente los que destaquen la presentación d’ellementos de promoción audiovisual, la firma d’un alcuerdu con Renfa pa dar puxu a un proyeutu de ferrocarriles turísticos, la presentación de les etapes asturianes de la Vuelta Ciclista a España y del programa d’actividaes de la Macrorrexón de Rexones del Sudoeste Européu.

Nesta nueva edición Asturies cuntará con un nueu pabellón de 690 metros cuadraos, 32 más que l’añu pasáu, que destina’l 22% de la superficie a les emprese del seutor. “Apostemos por combinar la nuesa meyor imaxe y los nuesos principales atractivos con espacios que conviertan el nuesu pabellón nun auténticu cientru empresarial” destacó’l conseyeru d’Emplegu, Industria y Turismu, Isaac Pola.

L’espaciu entamósse alrodiu una plaza cientral con fasteres d’aconceyamientos a mou de viviendes tradicionales, cola fin de rendir homenaxe a ún de los aspeutos más valoraes d’Asturies como destín: la so hospitalidá.

La Cultura Sidrera Asturiana tamién tendrá una presentación fuera Fitur. Sedrá nel chigre madrilanu La Chalana mañana xueves 24.

 

 

(Visited 669.973 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies