Inicio > Cultura sidrera > Cursín de sidre casero y derivaos
Cultura sidreraDellosEncamientosGastronomía

Cursín de sidre casero y derivaos

La Güerta-Escuela La Llera de Puente d’Arcu -Llaviana- entama un cursu de sidre casero y un taller de derivaos de la sidre.

LA SIDRA.- Pasu ente pasu la ellaboración tradicional de la sidre asturiano va reivindicándose y espardiéndose, con iniciatives tan afayaíces como la qu’agora entama esta Güerta-Escuela, qu’impartirá un cursu d’ellaboración de sidre el 10 y el 17 de payares, n’horariu de 10 a 13 hores, y nel que s’imparten de forma tantu teórica como práutica, los conocimientos básicos pa la ellaboración de sidre casero, con un coste de 25 euros, qu’inclúi les dos xornaes y la documentación del cursu.

Nel mesmu sen, la Güerta-Escuela La Llera tamién imparte un perinteresante taller de derivaos de la sidre el 24 payares, n’horariu de 10 a 13 hores -15 €-, con temes tan acionaos como: 

  • Ellaboración de sidre de xelu
  • Ellaboración de sidre dulce de llarga duración
  • Auguardiente
  • Ellaboración de sidre de fueu
  • Ellaboración de Vinagre de Sidre
  • Climatización del llagar caseru.

El cursu impártilu  l’enólogu José Antonio Norniella, lo que supón toa una garantía de calidá 

Namás hai 25 places disponibles pa caún de los cursos, polo que fai falta iscribise aína.  El contautu ye: info@cemlallera.com

(Visited 454.971 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies