Inicio > AS > Eventos > III Espicha solidaria frente al cáncanu
Eventos

III Espicha solidaria frente al cáncanu

Tamién van apurrise los V Premios Sidre d’Escoyeta a José María García y a los echaores asturianos.

LA SIDRA.- asturies acueye per tercer añu consecutivu la Espicha Solidaria frente al Cáncanu, un eventu que xune la tradición sidrera asturiana colos esfuerzos p’atopar la cura escontra la enfermedá. La cita ye’l prósimu vienres 23 de setiembre, de magar les 20.30 hores, nel llagar Trabanco.

Esta espicha ta entamada pola Sidre de Mazana Escoyío, en collaboración cola Fundación Sandra Ibarra de Solidaridá frente al Cáncanu. La entrada tien un costu de 25 euros, de los cualos 10 euros van destinase direutamente a financiar proyeutos d’investigación sobro’l cáncanu impulsaos pola citada Fundación. Les entraes yá tán a la vienta y puen alquirise nes oficines de los llagares Trabanco, Foncueva, Peñón y Muñiz; y na sidrería Casa Trabanco. Tamién puen acutase nel corréu info@sidramanzanaseleccionada.com

 

Esti añu, la Espicha Solidaria va ser tamién un homenaxe a dos grandes figures: los echoares asturianos y el periodista radiofónicu José María García. Dambos van recoyer los sos gallardones nos V Premios Sidre d’Escoyeta, nun actu que se va cellebrar xusto enantes de la Espicha, de magar­­ les 19:00 hores.

(Visited 1.228.249 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies