Inicio > Cultura sidrera > Granada sofita que la Cultura Sidrera seya padremuñu
Cultura sidrera

Granada sofita que la Cultura Sidrera seya padremuñu

L’ayuntamientu Villaviciosa y l’andaluz firmen un protocolu collaboración

LA SIDRA.- Ún de los oxetivos del hermanamientu ente Villaviciosa y Granada ye consiguir dos reconocencies que dambes llocalidaes gueten dende va tiempu: que la primera seya Capital Europea de la Cultura en 2031, y que la Cultura Sidrera Asturiana seya por fin considerada como Padremuñu Cultural Inmaterial de la Humanidá per parte la UNESCO.

Villaviciosa y Granada propunxéronse afitar llazos n’estremaos ámbetos como son la cultura, l’actividá empresarial y les rellaciones comerciales y de promoción turística. “Exemplu d’ello ye l’Alcuentru Gastronómicu Astur-Granaín que lleva ocho años cellebrándose y pol que’l ganaor del concursu La Meyor Fabada del Mundiu viaxa a Granada apa ellaborar la fabada ganaora, y que ta cellebrándose dende ayeri y fasta’l xueves cola presencia del restorán Gaucho Fierro de Granda, Siero” informa l’axencia Gustatio.

Asina los alcaldes alcordaron intercambiar sofitos en dos candidatures perimportantes pa los respeutivos conceyos. L’alcalde de Granada solición l’apautamientu a la candidatura de la ciudá como Capital Europea de la Cultura en 2031. Pela so parte, l’alcalde Villaviciosa pronúnxo-y que la ciudá andaluza s’amieste col so sofitu a la candidatura de la Cultura Sidrera Asturiana como Padremuñu Inmaterial de la Humanidá pola UNESCO.

A la firma del hermanamientu nel Ayuntamientu Granada asistió Alejandro Vega, alcalde de Villaviciosa; Francisco Cuenca, alcalde de la ciudá; Raquel Ruz, conceyala Turismu del Ayuntamientu Granada; Pedro Morán, presidente del xuráu del concursu La Meyor Fabada del Mundiu y DAvid Fernández-Prada, direutor del concursu y de l’axencia Gustatio. Tamién una representación del Confradería d’Amigos de les Fabes que nel so postrer capítulu nomó al granaín Gregoria García, vicepresidente de la Cámara Comerciu de Granada, como embaxaor de les fabes.

 

(Visited 454.971 times)

One thought on “Granada sofita que la Cultura Sidrera seya padremuñu

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies