Inicio > Cultura sidrera > Ganaores del Festival de la Mazana de Villaviciosa
Cultura sidrera

Ganaores del Festival de la Mazana de Villaviciosa

Otorgáronse premios a races de mesa y de sidre, a les ecolóxiques a la DOP, les ecolóxiques y a les pumaraes

LA SIDRA.- Alredior de 500 llotes quinxeron participen nel Concursu de Mazana de Mesa y de Sidre de Villaviciosa, ello ye, el doblu de la llende que s’almitía al concursu, polo que se dobló la intención de participación de productores asturianos. En total, unos 3.000 frutos fueron espuestos nel mercáu d’abastos de La Villa d’ente los que salieron los vencedores del festival cellebráu esta fin de selmana. En total participaron nesta edición diecinueve productores asturianos.

Asina, tocántenes a mazanes de races acoyíes a la DOP los ganaores fueron: Valle, Ballina y Fernández de Villaviciosa en primer llugar, Hermano Martínez de Xixón, en segundu; y Rafael Fernández-Peña d’Uviéu, en terceru.

Tocántenes a mazanes de mesa, Marcos Ramos García féxose col primer puestu del podiu siguíu per Antonio Fernández de Siero y Elías Carneado de Villaviciosa, qu’ocuparon el segundu y tercer puestu, respeutivamente.

Na categoría, ‘caltenimientu de races de sidre en xeneral’, l’oru foi pa Luz María Muñiz de Xixón, la plata pa Elías Carneado de La Villa y el bronce para Franciso Foncueva de Sariegu.

Per otru llau, nel tarrén de les pumaraes, consideróse la meyor a la d’Ausiliar Medioambiental de Siero, siguía de les d’Igor Ferreras Castillo de Villaviciosa y la d’Álvaro Juan Menéndez de La Villa

El xuráu tuvo compuestu polos téunicos del SERIDA Juan Carlos García y Moisés Fernández; y l’inxenieru téunicu del Conceyu Manolo Blanco.

(Visited 669.403 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies