Inicio > DOP Sidre d'Asturies > Floriamientu del pumar na Contorna de la Sidre
DOP Sidre d'AsturiesSidreturismu

Floriamientu del pumar na Contorna de la Sidre

La Contorna de la Sidra prepárase pa recibir la primavera con ún de los eventos más destacaos d’Asturies: la Selmana del Floriamientu del Pumar. Esti espectáculu natural de los primeros biltos florales nos pumares, que tiñen los árboles colos collores rosa y blancu de los pétalos, ye un auténticu placer pa los sentíos y podrá esfrutase del 29 d’abril al 1 de mayu.

LA SIDRA.- A lo llargo de trés intenses xornaes, los seyes conceyos sidreros asturianos de Bimenes, Cabranes, Colunga, Nava, Sariegu y Villaviciosa ufierten un completu programa pa’atrayer a cientos de visitantes demientres esta Ponte de Mayu. Ente les principales actividaes, inclúinse visites guiaes per pumaraes onde los participantes van poder pasiar y fotografiase ente pumares en flor y afayar los secretos del cultivu del pumar y les peculiaridaes de la cultura sidrera asturiana. Les places son llindaes, siendo imprescindible la reserva previa al traviés de la web turística de la contorna sidrera.

Amás, pa complementar la esperiencia, numberosos restoranes de la Contorna ufierten menús especiales cola mazana y la sidra como protagonistes. Los comensales van poder tastiar platos tan interesantes como los Nuggets caseros de cabritu a la sidra, el Bacalláu en mueyu de pimientos asaos y aire de sidre, o postres como’l Pecáu orixinal”, ente otros, toos ellos acompañaos por Sidra con Denominación d’Orixe Protexida “Sidra de Asturies” y a precios bien interesantes. Siendo tollo complementáu polos descuentos especiales na visita que van ufiertar dellos museos y centros espositivos de la Contorna a los comensales d’estos menúes sidreros”

Esti eventu cunta cola collaboración d’estremaos organismos y entidaes pal so desendolcu, ente les que destaquen el Conseyu Regulador de Denominación d’Orixe “Sidre d’Asturies” y la Cooperativa Campoastur, ente otros.

Amás, esta edición va ser bien especial, yá que ca vegada ta más cerca la posibilidá de que la Cultura Sidrera Asturiana llogre la perimportante reconocencia como Padremuñu Inmaterial de la Humanidá.

Pa iscribise nes visites y llograr más información pue aportase a la web www.lacomarcadelasidra.com

 


(Visited 2.445.299 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies