Inicio > AS > Eventos > Fernando Couto col SISGA
Eventos

Fernando Couto col SISGA

El Vicealcalde del Conceyu Xixón afirmó nel V SISGA que “Ca vegada que se comercializa una botella sidre de gala internacionalmente, ta promoviéndose la Marca Asturies” 

LA SIDRA.- Fernando Couto nun quinxo perdese la tastia abierta de les sidres de gala participantes nel V SISGA, cellebrada’l sábadu nel CIentru Cultura Antiguu Istitutu Xovellanos, onde pudieron probase sidres de Asturies, La Llébana, Llión, País Vascu, Catalunya, Inglaterra, Francia, Suecia, Chequia, Holanda, Italia, Eslovaquia o Austria, una oportunidá única del mercáu sidreru.

 

Fernando Couto, conceyal de Desendolcu Económicu del Conceyu de Xixón quinxo participar nel SISGA 2015, amosando’l so enfotu na Fundación Asturies XXI, cola que Xixón lleva collaborando dellos años y a la que conoz de cerca: “El Salón Internacional de Sidres de Gala consolida’l gran trabayu per parte de los miembros de la Fundación Asturies XXI, una y bones el certame en sí, namás ye la punta del iceberg de tol movimientu a lo llargo del añu, viaxando pa conocer ellaboradores de sidre de copa d’otros países.”

 

Couto asegura qu’el SISGA, nestos cinco años, llogró’l so oxetivu de promocionar les sidres non escanciables y afitar un mercáu a nivel internacional: “Les sidres de mesa son un productu exportable, polo qu’esti eventu favorez qu’Asturies y la so producción tenga accesu a un mercáu global.” El vicealcalde sentenció que dende’l Conceyu de Xixón siempres van amosar tol so sofitu a iniciatives como esta, que trabaya con productos de calidá y que busquen faese un güecu nel mercáu internacional.

(Visited 747.153 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies