Inicio > Cultura sidrera > Fallu del XI Concursu de Semeyes LA SIDRA
Cultura sidreraDellosEncamientosEventosInternacional

Fallu del XI Concursu de Semeyes LA SIDRA

Presentárense un total de 52 autores con 171 obres, y tendrá llugar el prósimu martes 30 de xineru nos llocales de la Fundación Asturies XXI.

LA SIDRA.- El XI Concursu de Semeyes LA SIDRA ta convocáu pola revista LA SIDRA y la Fundación Asturies XXI col sofitu de l’Asociación fotográfica Asemeyando y la reconocencia de la Confederación Española de Fotografía y la recién aniciada Federación Asturiana d’Asociaciones Fotográfiques, cuntando col sofitu del Llagar JR y la colaboración de la Sidrería La Galana.

Como novedá la forma de presentación y esbilla de les obres rializóse al traviés d’una plataforma dixital especializada en concursos de semeyes, que facilita la participación nel mesmu y el llabor de los xuraos, garantizando al másimu l’anonimatu de los autores a la hora de ser xulgaes les obres.

El prósimu martes 30 xineru tendrá llugar el fallu definitivu d’esti concursu dándose a conocer les semeyes ganaores en cauna de les sos categoríes y les 20 meyores semeyes. L’asistencia a esta fase final ta abierta al públicu y cellebraráse nos llocales de la Fundación Asturies XXI (Prenes Pando 11. Xixón) de magar les 20:15 h.

El xuráu d’esta edición ta compuetu por:

  • José Pañeda, reconocíu fotógrafu xixones que yá participara n’ediciones anteriores.
  • Alberto Otero, reconocíu fotógrafu llangreanu participante tamién na edición anterior.
  • Aurora Vigil-Escalera, direutora de la galería d’arte del mesmu nome.
  • Pedro Gutiérrez, Vicepresidente de la FAAF, presidente del Grupo Zona 5 de Xixón y co-entamaor de los alcuentros fotográficos de Xixón.
  • Luis J. Vigil-Escalera Quintanal, Presidente de la FAAF y d’Asemeyando Asociación fotográfica.
(Visited 421.033 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies