Inicio > Cultura sidrera > ¡Torna la sidre a Sotrondio!!
Cultura sidreraEventosLlagares

¡Torna la sidre a Sotrondio!!

Esta fin de selmana recupérase’l Certame de la Sidre en Sotrondio, cola cellebración de la so XIII edición

LA SIDRA.- La Sociedá Cultural y de Festeyos San Martín de Tours torna a entamar el sábadu 14 de mayu la cellebración del tradicional Certame de la Sidre, na plaza de Ramón y Cajal, tres dos años d’inactividá de resultes del andanciu de la covid. Nesta décimu tercer edición prevese la participación d’una docena llagares asturianos que van sirvir más d’un millar de llitros de sidre.

La degustación gratuito de la sidre va tener llugar ente les 13,00 y les 14.30 hores, demientres la mañana, y de magar les 18,30 hores, demientres la tardi; previa alquisición d’un vasu comemorativu, que la organización va poner a la vienta al preciu de 3,5 euros, diseñáu pol dibuxante de Sotrondio José Luis Fernández, ‘Cholo’. Festeyos tamién va poner a la vienta empanaes, bollos preñaos y otres viandes mentes se tastie la sidre.

L’animación musical del certame va correr al cargu de la Banda de Música de San Martín y de la Coral San Martín, encarga d’entonar los populares cancios de chigre, de magar les 11,30 hores.  Yá pela nuechi, la verbena va cuntar cola actuación de la orquesta La Favorita, d’A Coruña. L’animación va siguir la tardi del domingu, de la man del Grupu Beatriz, de magar les 18 hores.

(Visited 1.650.345 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies