Inicio > Sin categoría > Entamu LA SIDRA 190 (Ochobre’19)
Sin categoría

Entamu LA SIDRA 190 (Ochobre’19)

Entamu

Remató setiembre cola cellebración del novenu Salón Internacional de les Sidres de Gala –SISGA-, nel que non solo s’incrementó de forma notable la so duración y la presencia internacional, sinón que resultó especialmente positivu pa los llagares asturianos, distinguíos con Premios SISGA por un xuráu internacional nel que pocu más d’un 10% de los sos integrantes yeren asturianos, y que nun duldó en distinguir a la sidre asturiano pola so calidá. La nuesa norabona a los llagares Viuda de Angelón, Riestra, Panizales, Paca y Tola, Cortina, Pomaradas de Sariegu y Bodega La Rionda poles distinciones consiguíes, y el nuesu agradecimientu por caltener tan altu’l pabellón asturianu.

Col bon saborgu de boca por esti esitosu SISGA, pasamos a la yá mítica cellebración de Xixón de Sidre, eventu tamién únicu na so especie y que combina acertadamente chigres, llagares y gastronomía. Una referencia obligada con ca vegada mayor repercusión social y que permite tener acesu a sidre de perbona calidá y de munchos llagares que non siempres ye facil atopar nel mercáu, too ello sabiamente combinao con propuestes gastronómiques destacaes qu’en munches ocasiones podríemos considerar d’alta gastronomía.

Y mentes entá se cellebra esti eventu, Villaviciosa reclama nuevamente la so capitalidá mazanera y cellebra con ésitu’l so XXXII Festival de la Mazana, y al pocu tiempu’l Premiu Mundo Collada, el concursu de sidre casero asturiano, un auténticu placer pa los amantes de los saborgos auténticos y reflexu fiel de la vitalidá de la cultura asturiana de la sidre. Y por si entá nun fuera abondu, la Bona Confradería de Siceratores d’Asturies cellebra en Nava’l so V Capítulu con una destacada presencia internacional y un programa de primer categoría.

Como contrapuntu a tan falagueres noticies, l’Asociación de Sidre Asturiano perdió nos tribunales el so recursu reclamando la botella de sidre asturiano, perda motivada principalmente porque a quien-y correspondería reclamar esti padremuñu sidreru asturianu nun ye a una entidá privada, sinón al propiu “Principado”, como representación del conxuntu de los asturianos, y cuya dexación de funciones tamién nesti casu, torna salimos caro a tolos asturianos.

(Visited 669.402 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies