Inicio > Opinión > Entamu LA SIDRA 186
Opinión

Entamu LA SIDRA 186

Entamu

La presentación de la collecha 2018 de la DOP Sidre d’Asturies marca, por méritu propiu, l’actualidá sidrera d’esti mes de xunu nel que los eventos sidreros escomiencen a atropase, faciendo preciso escoyer ente les estremaes ufiertes.

Esti X Salón de la DOP Sidre d’Asturies va pasar a la hestoria pola calidá de los productos presentaos, pero tamién porque foi la espresión de los munchos avances y nueves incorporaciones de llagareros y pumareros a esta marca de calidá identitario que, per otra parte, y ye xusto destacar, ta sabiendo caltener un perfil bien altu tocántenes a influencia mediático, con una llínia d’actuación integradora na que la presencia de la llingua asturiana, con ser entá deficiente, va abriéndose espaciu progresivamente, talo como correspuende a un país normal qu’ame y respete la so cultura.

Valdesoto, Carbayín, Llaviana, Ribeseya… les cellebraciones alredior de la sidre non solo van a más, sinón que tán sabiendo reinventase; y ensin menoscabu de naide nun podemos menos que sorrayar les novedaes que supon la Folixa de la Sidre de Ribeseya y la importante renovación de la Fiesta de la Sidre en Llaviana.

La sidre actualízase y reinventa, tán poniéndose les bases de lo que sedrá la sidre asturiano pa les xeneraciones vinientes, y nesi sen tamién hai que destacar la ca vegada mayor importancia de los concursos de sidre casero nos que ca vuelta son más los mozos que s’animen a entamar nel tan lluendiu como estimosu oficiu de llagareru, dando continuidá a una cultura milenaria que non solo resístese a morrer, sinón que ta más vixente que nunca.

Y agora que s’anueven los representantes políticos en conceyos y “Principado” tenemos especiales motivos pa tar illusionaos con que siga faciéndose bien lo que bien se faía, y entamen a correxise escaecimientos y humildaciones a la nuesa bébora patrio. Esperamos que d’una vegada la nuesa sidre dexe de ser despreciada pol “Principado” nos actos oficiales y que sustituya de forma definitivo al “vinu español”; y puestos a pidir, esperemos que tres once años d’inxustificables retrasos, acabe presentándose la candidatura de la cultura asturiana de la sidre en Madrid pa empecipiar el llargu procesu que lleve a la so reconocencia pola UNESCO como Padremuñu Inmaterial de la Humanidá. Esperemos

(Visited 600.555 times)

One thought on “Entamu LA SIDRA 186

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies