Inicio > Cultura sidrera > Asturies tornará a cuntar con un pabellón en Lorient
Cultura sidreraEventosEventosEventsGastronomíaInternacionalNewsNoticiesSidreturismu

Asturies tornará a cuntar con un pabellón en Lorient

El festival intercélticu cellebrase a cabu del 3 al 12 d’agostu

Esta vegá sí. Asturies tornará a cuntar con un pabellón propiu nel principal festival intercélticu a nivel mundial. Demientres más de 10 díes van llevar a cabu en Lorient destremaos espectáculos, esibiciones, amueses, mercaos artesanales y de xacíu conciertos de primer nivel con más de 4 mil 500 músicos y espérase que los asistentes superen los 750 mil.

El Festival Intercélticu de Lorient toma toles formes musicales de los países celtes, cantares milenarios pa’l folk, el rock o’l jazz, al traviés de les obres nun espaciu creativu y cultural. La presencia de músicos de destremaes coltures ye un símbolu d’identidá abierta al mundiu y en constante movimientu. Una cultura qu’entemez música, artes visuales, dancia, hestoria, lliteratura y gastronomía Lorient ábrese asina al mundiu, na espresión del cosmopolitismu celta qu’ufierta. “Ye un intercambiu de cultures que surde, munches vegaes, de les presones que van a pie de cai a trabayar. Esa xente fai un verdaderu intercambiu, xenérense y fortalecen amistaes, deprenden nueves llingües, comparten hestories… El festival ta alrodiu” asegura Jesús Adrián Rodríguez Álvarez, encargáu del pabellón asturianu.

Según señala l’encargáu del Pabellón, ésti va amosar nel Festival Intercelticu de Lorient la riqueza y el padremuñu cultural y gastronómicu asturianu. “El nuesu oxetivu va ser recrear un ambiente folixeru de pueblu asturianu. El Pabellón va vivir en trés etapes. Dende’l mediudía fasta les 15:30 de la tardi, va ser el momentu de les xintes. Dolce meses van tar dispuestes dende’l fondu de la carpa hasta l’escenariu. Y pela nuechei, hfasta les 22:30 hores podrá comese. La tarde va ser ye más sele, con música nidia y tradicional. L’oxetivu ye que los asistentes puean relaxase demientres el descansu que da’l Festival en redol a un postre duce o un café. Pela nuechi, quitamos les meses para crear otru ambiente, va vese comu una braera folixa de pueblu asturianu con grandes músicos que van saber cómu compartir la so cultura colos turistes del festival”.

Más información nel prósimu exemplar de LA SIDRA.

(Visited 682.492 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies