Inicio > DOP Sidre d'Asturies > El Padre Ángel “Embaxaor de la Sidre” de la Fundación Sandra Ibarra
DOP Sidre d'AsturiesEventos

El Padre Ángel “Embaxaor de la Sidre” de la Fundación Sandra Ibarra

En collaboración col Conseyu Regulador de la Denominación d’Orixe Sidre d’Asturies, va otorgar esta distinción al sacerdote y filántropu asturianu cola sida de la prósima edición del eventu solidariu

LA SIDRA.- El prósimu domingu 19 de setiembre, la Fundación Sandra Ibarra y el Conseyu Regulador de la Denominación d’Orixe Sidre d’Asturies van cellebrar la tradicional cena solidaria nel Llagar Castañón, asitiáu na llocalidá de Villaviciosa, a les 19:00 hores. Un añu más, dambes entidaes entamen esti eventu que supon un homenaxe al espíritu d’Asturies nel que, al traviés de los sos raigaños y tradiciones, ponse n’alza la solidaridá de les sos xentes.

La VII Cena Teatru Solidaria tien como oxetivu esfrutar de la sidre, y faelo amás por una causa solidaria: amestar esfuercios frente al cáncanu, yá qu’una parte de la recaldación va dir destinada íntegramente a financiar la Escuela de Vida de la Fundación Sandra Ibarra, la primer escuela de pacientes y supervivientes de cáncanu, que’l so principal oxetivu ye ameyorar la calidá de vida d’estes presones. Les entraes solidaries, con un preciu de 50 euros, yá tán a la vienta na see del Conseyu y en: https://entradium.com/ye/events/sidra-de-asturias-frente-al-cancer-quintueles-villaviciosa

Nesta sétima edición de la espicha, va estremar al Padre Angel col entítulu d’Embaxador de la Sidre d’Asturies solidaria 2021, reconociendo’l so llabor como difusor de la cultura y raigaños asturianos en tol territoriu estatal. Va siguir asina’l camín d’otros pernomaos asturianos como’l periodista José María García o los actores Arturo Fernández, Roberto Álvarez y el cantante Victor Manuel, que n’años anteriores sofitaron esti proyeutu de manera solidario. Como novedá, los asistentes van esfrutar de daqué únicu, la obra teatral ‘Sidra en vena’ (una comedia vodevil asturpop de JuanMa Pina) na so redolada más natural: el llagar tradicional. La obra y el direutor de la mesma fueron nomaos embaxadores de la cultura sidrera asturiana y la mesma ta trunfando nel Teatru Lara de Madrid, amosándose asina una parte bien representativa d’Asturies como ye’l mundu sidreru toos les fines de selmana na capital d’España.

 

(Visited 1.226.952 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies