Inicio > DOP Sidre d'Asturies > El Floriar del Pumar na Contorna la Sidre
DOP Sidre d'AsturiesSidreturismu

El Floriar del Pumar na Contorna la Sidre

La Contorna  la Sidre recupera esta cellebración del 30 d’abril al 2 de mayu

LA SIDRA.- Los conceyos dee Bimenes, Cabranes, Colunga, Nava, Sariegu y Villaviciosa, ello ye, la Contorna de la Sidre, recuperen les actividades propies del Floriar del pumar, entamando polos ‘Yoguis Sidreros’ en Villaviciosa, una clas de yoga pa principiantes a la solombra de pumares floriaos. Darréu esfrutaráse d’un paséu per una pumarada naveta con más de 100 races de pumares, y pela tardi d’esi mesmu díi ta planificada una pelegrinación al traviés de les tierres sidreres de Colunga, con un guacéu pela ruta xacobea que tendrá como meta un llagar de sidre tradicional.

El domingu ufriráse una visita guiada a una pumarada en flor en Sariegu, y darréu Cabranes sedrá l’escenariu d’un interesante taller sobro’l conocimientu de cogordes y fongos comestibles que xorrecen ente los pumares y posterior degustación del productu.

El llunes, pa finalizar l’eventu plantégase una ruta interpretada pola ñautra de la ribera en tierres sidreres nel conceyu Bimenes.

Demientres tolos díis la gastronomía asturiana también sedrá protagonista, yá qu’estremaos restoranes de la Contorna ellaborarán una riestra menús sidreros pa comemorar el floriar del pumar. Tolos menús, con precios de magar 17 € dirán acompangaos per dalgua de les variedaes de Sidre DOP ‘Sidre d’Asturies’, amás los sos comensales podrán esfrutar d’un descuentu especial nel acesu a los museos de la Sidre, de la Escuela Rural y del Xurásicu, asina como al Cientru d’Interpretación de la Xerra del Sueve.

Esti añu como novedá, los visitantes a la Contorna la Sidre podrán esfrutar de la ferramienta teunolóxica ‘Tour 5 5.0 polos Paisaxes del Pumar’. Una web-app acabante d’estrenar, na que se propón a los visitantes d’estes tierres sidreres un paséu autoguiáu en coche, moto o bici en compaña de la cibermascota Sidrina. Un xuegu nel qu’esti presonaxe acompangarálos perl reinu la mazana amosándo-yos les pumaraes peles que transiten cuntándo-yos curiosidaes de la cultura sidrera  dempués faciéndo-yos entrugues p’algamar el so diploma de Mayestros Sidreros. Pudiendo amás componer un album de semeyes demientres el percorríu pa poder compartir colos amigos

Esti eventu cunta cola collaboración d’estremaos muerganismos y entidaes pal so desendolcu, ente les que destaquen la DOP ‘Sidre d’Asturies’ y la Coperativa Campoastur, ente otros.

(Visited 2.445.309 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies