Inicio > Chigres > El Chigre 1769, una esperiencia “catariana”
ChigresEncamientosGastronomíaSidreturismu

El Chigre 1769, una esperiencia “catariana”

Abiertu a finales d’avientu de 2016 en Barcelona, el restorán ta rexentáu pol chef Fran Heras.

LA SIDRA.- Un chigre ye un aparatu fondiáu a la paré que s’utiliza para abrir botelles de sidra. Pero tamién ye’l llugar onde se viende y bébese sidra, una institución democrática qu’axunta a probes y ricos n’amistosa hermandá.

Nun chigre naide nun ye más que naide, toos son habituales, vecinos o visitantes casuales y tol mundiu xúnese, ensin importar el grupu o la castra a la que pertenez.

Asina ye como Fran Heras, que tamién rexenta’l restorán asturianu El Llamber, y Eva Arbonés definen esti establecimientu asitiáu nel popular barriu del Born en Barcelona.

Ellos considérenser una sidrería-vermutería“catariana” (catalana y asturiana) basada en dos conceutos: Km 0, sofitando a los pequeños productores; y DNA, esencia, alma y raigaños de dos tierres, dos llingües, dos identidaes y dos cocines cola gastronomía como llínia de comunicación común.

El Chigre 1769 ufierta platos catalanes y asturianos, ente los cualos pue pidise una tabla quesos, pexe y mariscu al caricote, orca del Eo, tortos con corderu Xaldu, fabada, callos o chorizu a la sidre “Sopeña”.

De man, ná meyor qu’un vermú de sidra Roxmut. Y pa rematar, la cuenta presentada nuna madreña.

(Visited 161.439 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies