Inicio > Chigres > Sidrería Eclipse, embaxaora de la sidre en Xapón
ChigresGastronomíaInternacionalSidreturismuSISGATasties

Sidrería Eclipse, embaxaora de la sidre en Xapón

Los medios de comunicación xaponeses recueyen la esperiencia de la tastia de sidre asturiano cellebrada’l pasáu mes en Tokyo.

LA SIDRA.- La tastia entamada por Tatsuro Fuji, propietariu del bar Eclipse Sidrería de Tokio na que dio a conocer una gran variedá de sidre asturiano que mercare na so cabera visita al nuesu país con motivu del Salón Internacional de les Sidres de Gala -SISGA-, tevo la so repercusión mediática en Japón, y protagoniza un interesante artículu nel que fai por dar a conocer la cultura asturiana de la sidre y axunta unes interesantes notes de tastia.

L’artículu tamién recueye una propuesta d’harmonización de la sidre presentao na qu’inclúi ente otros la fabada y el quesu Cabrales.

Tatsuro Fuji ta convencíu de que la sidre en xeneral tien un gran potencial nel Xapón, y caltién un especial compromisu col so espardimientu. Arriendes d’ello ye conoceor y amante de la sidre asturiana y de la cultura que lleva arreyada,  polo que ye un estupendu embaxaor de la mesma.

Esperamos que siga sosprendiéndomos coles sos iniciatives y poder cuntar con elli na prósima edición del Salón Internacional de les Sidres de Gala.

(Visited 2.466.936 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies