Inicio > Sidreturismu > El Muséu de la Sidre, puesta a puntu
Sidreturismu

El Muséu de la Sidre, puesta a puntu

La Fundación de la Sidre aprueba’l pieslle temporal para facer reformes.

LA SIDRA.- El Muséu de la Sidre de Nava, naguráu en 1996 va permanecer peslláu per segunda vegada na so hestoria pa rializar llabores de llimpieza y caltenimientu de les sos istalaciones.

Les obres van llevase a cabu demientres los meses de xineru y febreru ya inclúin la igua de la cubierta del edificiu, yá que presenta filtraciones, y la sustitución de la illuminación d’anguañu por led p’amenorgar el costu en lletricidá.

Tamién pretende acutar un espaciu para los ganaores del Campeonatu Oficial d’Echores y contratar a un coordinador o direutor, figura ausente dende 2014.

Una custión primordial y que sigue ensin encetase dende’l “Principado” nin el Gobiernu Central, ye la falta de siñalización na A-64, reivindicación pola que Nava sigue lluchando.

El Muséu finó l’añu pasáu con un rexistru de cuasique 17.000 visites, cifra cimera a 2016, y que la Fundación confía en siguir aumentando. LEl xorrecimientu de visitantes viose espeyáu tamién nos turistes d’otros países como Alemaña, Bélxica y Holanda, asina comu visites de cientros escolares.

(Visited 161.439 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies