Inicio > AS > Eventos > David Rivas protagonizó la xornada del Arcu Sidreru que güei tará dedicáu a Galicia
Eventos

David Rivas protagonizó la xornada del Arcu Sidreru que güei tará dedicáu a Galicia

La conferencia del profesor David Rivas “L’oceanu que baña la sidre” resultó espectacular tanto en conteníos como en plantegamientos, y güei el protagonismu correspuénde-y a David Castañón y la so Tastia Guiada de sidre gallego.

LA SIDRA.- Yera esperable, pero nesta ocasión superóse. La conferencia del profesor David Rivas, “L’oceanu que baña la sidre” foi tan orixinal nos sos plantegamientos como interesante nos sos conteníos, aportando una visión de la hestoria y evolución de la sidre nel Arcu Atlánticu esclariaora al empar qu’inxeniosa, con plantegamientos atrevíos y teoríes plausibles que despliquen en bona midía la hestoria de los países del Arcu Atlánticu, y la evolución de la sidre n’ellos.

 

Pa güei, la xornada ta dedicada a Galicia, y el protagonismu tendralo la sidre gallego, ufiertándose una Tastia Guiada de la man de David Castañón, collaboraor davezu de LA SIDRA y blogger de lesfartures.com, de conocíu y reconocíu prestixu. La sidre sedrá de Maeloc, y harmonizaráse con quesu gallegu. Una oportunidá única non solo de prebar la sidre gallego, sinon de siguir les acertaes desplicaciones que carautericen les intervenciones de David Castañón, un “imprescindible” nel panorama de la gastronomía asturiana.

 

(Visited 670.295 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies